Япон хүний урт насалдаг нууц нь тогтмол шинжилгээнд хамрагдаж, үүсч болох эрүүл мэндийн эрсдлээс урьдчилан сэргийлдэгт байдаг. Энэ тогтмол шинжилгээг тухайн хүний харъяалагддаг цэцэрлэг сургууль, албан байгууллагууд нийгмийн хариуцлага болон холбогдох хууль журмын хүрээнд хариуцан хэрэгжүүлдэг. "Цэцээ Гүн" Менежментийн дээд сургууль, "Эрүүл мэндийн төгс үйлчилгээ" уриан дор Япон улсын жишиг эрүүл мэндийн урьдчилсан сэргийлэх үйлчилгээг санал болгодог "Супернова" оношилгооний төвтэй хоёр байгууллагын хөгжлөөр дамжуулан улс орны ирээдүйг цогцлоох эрүүл боловсон хүчин бэлтгэн гаргах зорилгоор олон талт хамтийн ажиллагааны санамж бичгийг байгууллаа.
Энэхүү санамж бичгийн хүрээнд хэрэгжүүлэх хамтын ажиллагааны гэрээгээр тус сургуулийн багш ажилчид, оюутнууд жил бүр эрүүл мэндийн шинжилгээнд үнэ төлбөргүй хамрагдах боломжтой болж байна.
